SomosOcéano no programa Ti verás da TVG

Camisetas de SomosOcéano na TVG

Que o Departamento de Estilismo dun programa de tanto éxito como o concurso Ti verás, emitido pola Televisión de Galicia, confíe en nós para os seus looks foi todo un honor. O xornalista Rodrigo Vázquez presenta este concurso diario onde unha parella pode levar unha morea de cartos se acerta todas as preguntas e escolle as bonecas axeitadas. As tardes da televisión galega están cheas de bo humor, cartos e preguntas curiosas, e durante uns días tamén estiveron cheas do noso algodón bonito! Moitas grazas a todo ó equipo do programa e en especial a  TamaraAlejandro e Rodrigo: sodes xa parte da familia do océano! 🙂

Podedes ver todos os programas pinchando aquí e abaixo deixámosvos un pequeno resumo das aparicións das nosas prendas.

CAMISETA ILLAS CÍES: Os detalles son os que marcan a diferenza, e neste caso o toque ven dado por un rechamante pano vermello na chaqueta. Simplemente con este xesto, máis unha camiseta tan chula coma a nosa das Illas Cíes, combinada con prendas neutras, consegue un look moderno pero á vez con moito estilo.
CAMISETA PRAIAS: Quen dixo que o denim non pode usarse para looks máis arranxados? Americana en azul índigo combinada con pantalóns de corte slim e a camiseta Praias forman un conxunto perfecto para eses días que tés que ir máis preparado pero non queres perder frescura.
CAMISETA CICLOGÉNESIS: De novo un look onde os básicos toman o protagonismo: pantalóns de corte recto, con americana de bo corte e unha camiseta para restarlle seriedade. Para coroar o look, unhas zapatillas chulas e xa non hai nada que se te resista.
CAMISETA RIQUIÑO: Coa nosa camiseta Riquiño é sinxelo acadar un aire afrancesado! Unha preciosa americana azul descontruída, con pantalóns beis, o toque de cor cun reloxo vermello e o look máis riquiño xa está en marcha. As camisetas de raias nos homes quedan de 10!

Deja una respuesta

Tu dirección de correo electrónico no será publicada. Los campos obligatorios están marcados con *