Looks de SomosOcéano para as vacacións de Semana Santa

Looks semana Santa de SomosOcéano

Que vos parece se soñamos un pouco? Imos preparar unha fantástica maleta para as nosas vacacións de Semana Santa e por suposto, non poderían faltar as prendas de SomosOcéano rodeadas de marcas que apoian a moda sostible dunha ou outra maneira. Animaste a viaxar con nós a Tokyo, New York, Hawaii e Saint Tropez?

Para visitar a cidade máis futurista do mundo quedaría xenial levar a camiseta das Illas Cíes para presumir de paraíso natural, a modo de contraposición. Unhas boas zapatillas veganas coma as de Vejacalcetíns Mimosas e bolsa de Ecoalf para ir cargado coa cámara de fotos, o dicionario e todos os agasallos para a familia.
Un look cómodo, fresquiño e con sorna. A nosa camiseta Cunchas está confeccionada en algodón orgánico, ten moito movemento e resulta perfecta para pasar unha xornada na praia. Os shorts son de HM Conscious e están confeccionados tamén en algodón orgánico e as chanclas son da colección vegana de Toms.
New York esixe dar unha imaxe cosmopolita e urbana e o noso suadoiro Depende da no cravo. Os pantalóns son de  H&M Conscious e están confeccionados parcialmente en algodón y poliéster reciclados, calcetíns con polbos en cor viño e gafas de sol de Root Sunglasses fabricadas en madeira de ébano.
A Costa Azul remítenos a paz, calma pero ó mesmo tempo looks cun toque chic, por iso a camiseta Mariñeira é imprescindible na túa maleta. Os pantalóns azuis son de Zara, da súa colección sostible, Join Life e están confeccionados en Tencel. As sandalias son da casa Castañer, unha das marcas máis importantes en calzado tradicional.

Deja una respuesta

Tu dirección de correo electrónico no será publicada. Los campos obligatorios están marcados con *